ஆரணி படைப்பகம் தயாரிப்பில், சசிகரன் யோ இயக்கத்தில் உருவாகியுள்ள திரைப்படமான ‘பொம்மலாட்டம் – களம் 1’, எதிர்வரும் டிசம்பர் மாதம் சுவிட்சர்லாந்தில் சிறப்புக் காட்சிகளாக திரையிடப்படுகிறது.
யாழ்ப்பாணத்தில் திரையிடப்பட்டு பார்வையாளர்களின் பாராட்டுகளையும் நேர்மறையான விமர்சனங்களையும் பெற்ற ‘பொம்மலாட்டம்’, தற்போது தனது அடுத்தகட்ட திரையரங்கு பயணமாக புலம்பெயர் தமிழ் பார்வையாளர்களைச் சந்திக்க சுவிட்சர்லாந்தை நோக்கி வருகிறது.
சுவிட்சர்லாந்தின் பேர்ண் மற்றும் சூரிச் – க்ளோட்டன் பகுதிகளில் இரண்டு சிறப்புக் காட்சிகள் ஏற்பாடு செய்யப்பட்டுள்ளன.
ஒரு தந்தையின் பாசம், குடும்ப உறவுகள் மற்றும் சமூக வாழ்வியலை மையமாகக் கொண்டு உருவாக்கப்பட்டுள்ள ‘பொம்மலாட்டம்’, எளிய மக்களின் வாழ்க்கைச் சூழல்களையும் மனித உறவுகளையும் திரையில் பதிவு செய்யும் முயற்சியாக அமைந்துள்ளது.
டிசம்பர் 5-ல் பேர்ண்
முதல் சுவிஸ் காட்சி டிசம்பர் 5, 2026 அன்று பேர்ண் நகரில் திரையிடப்படுகிறது.
📍 Kino ABC, Bern
📅 05.12.2026
🕕 மாலை 6.00 மணி
டிசம்பர் 6-ல் சூரிச் – க்ளோட்டன்
அதனைத் தொடர்ந்து மறுநாள் டிசம்பர் 6 அன்று சூரிச் க்ளோட்டனில் அமைந்துள்ள Kino Claudiaதிரையரங்கில் படம் திரையிடப்படுகிறது.
📍 Kino Claudia
Schaffhauserstrasse 76,
8302 Kloten
📅 06.12.2026
🕒 பிற்பகல் 3.00 மணி
📞 தொடர்புகளுக்கு: +41 77 971 47 08
🎟️ முன்பதிவு: Eventfrog
யாழ்ப்பாணத்தைத் தொடர்ந்து சுவிட்சர்லாந்து
யாழ்ப்பாணத்தில் நடைபெற்ற திரையிடலின் போது பார்வையாளர்களிடமிருந்து கிடைத்த பாராட்டுகள் மற்றும் விமர்சனங்களுக்குப் பின்னர், தற்போது ‘பொம்மலாட்டம்’ புலம்பெயர் தமிழ் பார்வையாளர்களையும் சென்றடையும் வகையில் தனது திரையரங்கு பயணத்தை விரிவுபடுத்துகிறது.
தாயகத்தில் உருவான கதைகளையும் வாழ்வியல் அனுபவங்களையும் புலம்பெயர் தலைமுறையினரிடம் கொண்டு சேர்க்கும் வாய்ப்பாகவும் சுவிட்சர்லாந்து திரையிடல்கள் அமையவுள்ளன.
ஒரு தந்தையின் பாசப்போராட்டம்
‘பொம்மலாட்டம் – களம் 1’ திரைப்படம் குடும்ப உறவுகளுக்குள் நிகழும் உணர்வுகளையும், குறிப்பாக ஒரு தந்தையின் பாசப்போராட்டத்தையும் மையமாகக் கொண்டதாக படக்குழு அறிமுகப்படுத்தியுள்ளது.
தாயக மக்களின் வாழ்வியல், உறவுகள் மற்றும் சமூக அனுபவங்களை கதையின் மையத்தில் வைத்து, அவற்றை அடுத்த தலைமுறைக்கும் கொண்டு செல்லும் திரைப்பதிவாக இப்படம் உருவாக்கப்பட்டுள்ளது.
சசிகரன் யோவின் பல்துறை பங்களிப்பு
திரைப்படத்தை சசிகரன் யோ இயக்கியுள்ளதுடன், ஒளிப்பதிவு, படத்தொகுப்பு மற்றும் வண்ணக் கலவைப் பணிகளையும் அவரே மேற்கொண்டுள்ளார்.
படத்திற்கு ஜெயந்தன் விக்கி இசையமைத்துள்ளார். பாடல்களை பிரியன் தம்பிராஜா பாடியுள்ளதுடன், பாடல் வரிகளை இன்பம் அருளையா எழுதியுள்ளார்.
திரைப்படத்தின் கதையை தயாளன் எழுதியுள்ளார்.
யாழ்ப்பாணத்தைத் தொடர்ந்து சுவிட்சர்லாந்திலும் பார்வையாளர்களைச் சந்திக்கவுள்ள இயக்குநர் சசிகரன் யோ மற்றும் ‘பொம்மலாட்டம்’ முழுப் படக்குழுவினருக்கும் திரைமுரசு ஊடகக் குழுமத்தின் மனமார்ந்த வாழ்த்துகள்!
கருத்துக்கள் மற்றும் பகிர்வுகள்