Sana Creations தயாரிப்பில், ‘அன்பதிகாரம்’ திரைப்படக் குழுவினரின் கூட்டுப் பங்களிப்பில் உருவாகியுள்ள புதிய காதல் குறுந்திரைப்படமான ‘Coffee’ தற்போது YouTube தளத்தில் வெளியாகியுள்ளது.
“திரைப்படத்தினூடாகக் கற்றோம்… திரைப்படத்தினூடாக ஒன்றானோம்… திரைப்படத்தினூடாகவே எங்கள் மொழி பேசுகிறோம்” என்ற படைப்புக் குழுவினரின் கருத்துடன் உருவாகியுள்ள இக்குறும்படத்தை Sanathanan எழுதி தயாரித்துள்ளதுடன், Mirthula மற்றும் Hamsathwaran இணைந்து இயக்கியுள்ளனர்.
காதல், உரையாடல், ஒரு சுவாரசியமான திருப்பம்!
திருமண வரன் பார்ப்பதற்காக கஃபே ஒன்றில் சந்திக்கும் இருவரை மையமாகக் கொண்டு ‘Coffee’ கதை நகர்கிறது. Sanathanan மற்றும் Sanjana முதன்மைக் கதாபாத்திரங்களில் நடித்துள்ளனர்.
இருவருக்கும் இடையிலான அறிமுகம், தயக்கம், நகைச்சுவை கலந்த உரையாடல்கள் மற்றும் எதிர்காலம் குறித்த பேச்சுகளுடன் இயல்பாக நகரும் கதை, இறுதியில் புரோக்கர் அனுப்பிய புகைப்படத்தில் ஏற்பட்ட குழப்பத்தை மையமாகக் கொண்ட எதிர்பாராத திருப்பத்துடன் முடிவடைகிறது.
தொழில்நுட்பக் கூட்டணி
குறும்படத்தின் ஒளிப்பதிவை N. Nirushanth மேற்கொண்டுள்ளதுடன், Akilan Raj Editing & DI பணிகளையும், Anushan Nagendran Music & SFX பணிகளையும் கையாண்டுள்ளனர்.
A.K. Elango dubbing artist ஆகப் பணியாற்றியுள்ளதுடன், St. Cecilia Production – Basil Thangarajah dubbing studio பணிகளை மேற்கொண்டுள்ளது. தயாரிப்புக் குழுவில் Priyadharshini, A.K. Elango, Janakan, Jayaharish மற்றும் Varshikan ஆகியோரும் இடம்பெற்றுள்ளனர்.
இலங்கைத் தமிழ் குறுந்திரைப்படக் களத்தில் எளிமையான காதல் கதையை நகைச்சுவை மற்றும் சுவாரசியமான திருப்பத்துடன் அணுகியுள்ள ‘Coffee’ படைப்புக் குழுவினர் அனைவருக்கும் Thirai Murasu ஊடகக் குழுமத்தின் மனமார்ந்த வாழ்த்துகள்!
கருத்துக்கள் மற்றும் பகிர்வுகள்