Lee Murali எழுதி இயக்கத்தில் உருவாகி வரும் ‘GREY – The Shades of Humans’ திரைப்படத்தில் நடிகை Udari Warnakulasooriya ஏற்றுள்ள கதாபாத்திரம் குறித்த புதிய தகவல் வெளியாகியுள்ளது.
படப்பிடிப்புத் தளத்திலிருந்து clapboard மற்றும் கைத்துப்பாக்கி இடம்பெற்ற புகைப்படத்தை பகிர்ந்துள்ள Udari, வில்லன் கதாபாத்திரங்களை ஏற்று நடிப்பது தொடர்பான தனது எண்ணத்தையும் பதிவிட்டுள்ளார்.
“Playing the villain is not about being evil, it’s about making people believe you could be. Sometimes the darkest character brings out the brightest performance.”
அதாவது, ஒரு வில்லன் கதாபாத்திரத்தில் நடிப்பது என்பது வெறுமனே கெட்டவராகத் தோன்றுவது அல்ல; அந்தக் கதாபாத்திரமாக இருக்கக்கூடும் என்பதை பார்வையாளர்களை நம்ப வைப்பதே அதன் சவால் என்ற கருத்தை அவர் முன்வைத்துள்ளார்.
‘Shara’ கதாபாத்திரத்தின் புதிய முகம்
‘GREY’ திரைப்படத்தில் Shara என்ற கதாபாத்திரத்தில் Udari Warnakulasooriya நடிக்கிறார் என முன்னதாக அறிவிக்கப்பட்டிருந்தது.
தற்போதைய பதிவும் அவரது கருத்தும் பார்க்கும்போது, Shara சாதாரண கதாபாத்திரமாக இல்லாமல் இருண்ட அல்லது எதிர்மறை சாயல்கள் கொண்ட முக்கியமான பாத்திரமாக அமையக்கூடும் என்பதற்கான சுட்டுமொழியாக அமைந்துள்ளது.
மனிதர்களை முழுமையாக நல்லவர் அல்லது கெட்டவர் என பிரிக்காமல், அவர்களுக்குள் இருக்கும் பல்வேறு சாயல்களை ஆராயும் விதமாக ‘GREY – The Shades of Humans’ என்ற தலைப்பும் படத்தின் கதாபாத்திர அணுகுமுறையுடன் தொடர்புபடுகிறது.
‘GREY’-யில் விரியும் கதாபாத்திரங்கள்
முன்னதாக திரைப்படத்தில் இந்திய நடிகர் Varun Tiwari, ‘Bobby’ என்ற கதாபாத்திரத்தில் இணைந்ததாக அறிவிக்கப்பட்டிருந்தது. தற்போது Udari Warnakulasooriya-வின் ‘Shara’ கதாபாத்திரம் குறித்த புதிய சுட்டுமொழிகளும் வெளியாகியுள்ளன.
இதனால் ஒவ்வொரு கதாபாத்திரத்தின் வெவ்வேறு மனித சாயல்களை மையப்படுத்தியே ‘GREY’ திரைப்படம் தனது கதையுலகை விரிக்கவுள்ளதாக எதிர்பார்க்க முடிகிறது.
‘GREY – The Shades of Humans’ திரைப்படத்தின் அடுத்தகட்ட படப்பிடிப்புப் பயணம் சிறப்பாக அமைய, Lee Murali தலைமையிலான படக்குழுவினர் மற்றும் நடிகை Udari Warnakulasooriya உள்ளிட்ட கலைஞர்கள் அனைவருக்கும் Thirai Murasu ஊடகக் குழுமத்தின் மனமார்ந்த வாழ்த்துகள்!
கருத்துக்கள் மற்றும் பகிர்வுகள்