கே. கிஷாந்தின் ‘இருமுகம்’ Trailer – ஒரு பார்வை: குற்றம், குடும்ப மோதல், பழிவாங்கல் என விரியும் Crime Thriller!

மட்டக்களப்பு கலைஞர்களின் பங்களிப்பில் உருவாகியுள்ள முழுநீளத் திரைப்படமான ‘இருமுகம்’ (Irumugam – Two Faced) படத்தின் அதிகாரப்பூர்வ Trailer வெளியாகியுள்ளது.

Eastern Fox தயாரிப்பில், Rojus De Zilva வழங்க, Screen Entertainment இணைப்பில் உருவாகியுள்ள இப்படத்தை கே. கிஷாந்த் (K. Kishanth) எழுதி இயக்கியுள்ளார்.

குற்றச்சம்பவம், குடும்பத்துக்குள் உருவாகும் வன்முறை, விசாரணை, காதல் மற்றும் பழிவாங்கும் மனநிலை என பல அடுக்குகளை இணைக்கும் கதையாக ‘இருமுகம்’ உருவாகியுள்ளதை Trailer வெளிப்படுத்துகிறது.

மர்மமான குற்றச்சம்பவத்துடன் தொடங்கும் கதை

Trailer-ன் ஆரம்பப் பகுதிகளில் கடற்கரைப் பகுதியை மையமாகக் கொண்ட விசாரணை, Crime Scene நடவடிக்கைகள் மற்றும் மனித உடல் தொடர்பான தடயவியல் காட்சிகள் இடம்பெறுகின்றன.

இதனைத் தொடர்ந்து சந்தேகத்துக்குரிய நபர் தொடர்பான தகவல்கள், கண்காணிப்பு மற்றும் விசாரணைக் காட்சிகள் வழியாக படத்தின் Crime Thriller பின்னணி விரிகிறது.

“காலையில 5 மணி இருக்கும்… ஒருத்தன் தலையோட நடந்து வாறான்!” என்ற உரையாடலும் கதையின் மர்மத்தை மேலும் தீவிரப்படுத்தும் தருணமாக இடம்பெற்றுள்ளது.

குடும்ப மோதலின் மையத்தில் பி. முரளிதரன்

Trailer-ல் கவனம் ஈர்க்கும் மற்றொரு அம்சமாக பி. முரளிதரன் (P. Muralitharan) நடித்துள்ள எதிர்மறை கதாபாத்திரம் அமைந்துள்ளது.

குடும்பத்துக்குள் உருவாகும் கோபம், வன்முறை மற்றும் மனஅழுத்தங்களை வெளிப்படுத்தும் காட்சிகளில் அவரது கதாபாத்திரம் முக்கிய இடம் பெறுகிறது. குறிப்பாக அவரது முகபாவனைகள், உடல்மொழி மற்றும் தீவிரமான உரையாடல்கள் கதையின் Family Conflict பகுதியை வலுப்படுத்துகின்றன.

“நீ யார்டா புருஷன் பொஞ்சாதி சண்டைக்கு நடுவுல பெஸ்டி மாதிரி வர்றதுக்கு?” என்ற வசனத்துடன் இடம்பெறும் மோதல் காட்சியும், அவரது கதாபாத்திரத்தின் கடுமையான தன்மையை வெளிப்படுத்துகிறது.

அதேவேளை,

“அம்மாவைக் கொலை பண்ண அப்பாவைக் கொலை பண்ணணும்ன்ற வெறி…”

என்ற பின்னணி வசனம், கதையின் மையக் கதாபாத்திரத்தை பழிவாங்கும் பாதைக்கு இட்டுச் செல்லும் குடும்பச் சூழலை சுட்டிக்காட்டுகிறது.

Crime பின்னணிக்குள் காதல்

குற்ற விசாரணை மற்றும் குடும்ப மோதல்களுக்கு இடையே எம். பிரதீஜன் – தனுஷ்கா ரமேஷ் இடம்பெறும் காதல் காட்சிகளும் Trailer-ல் இணைக்கப்பட்டுள்ளன.

படத்தின் ‘கை வீசும் காகிதங்கள்’ பாடலின் பகுதிகள் இந்தக் காட்சிகளுக்கு பின்னணியாக இடம்பெறுவதன் மூலம், கதாபாத்திரங்களின் தனிப்பட்ட உறவுகளுக்கும் படத்தில் முக்கிய இடம் வழங்கப்பட்டிருப்பது தெரிய வருகிறது.

கே. கிஷாந்தின் பல்துறை பங்களிப்பு

‘இருமுகம்’ திரைப்படத்தின் கதை, திரைக்கதை, வசனம், இசை மற்றும் இயக்கம் ஆகிய பொறுப்புகளை கே. கிஷாந்த் மேற்கொண்டுள்ளார்.

திரைப்படத்தின் ஒளிப்பதிவு மற்றும் Lighting பணிகளை நரேந்திரன் நிருஷாந்த் (Narendran Nirushanth) கவனித்துள்ளதுடன், கூடுதல் இசை ஏற்பாடுகளை AJ Shangarjan மேற்கொண்டுள்ளார்.

இரவுக் காட்சிகள், கடற்கரைப் பகுதிகள், விசாரணைச் சூழல்கள் மற்றும் கதாபாத்திரங்களின் நெருக்கமான காட்சிகள் Trailer-ன் காட்சித் தன்மையை வடிவமைக்கும் முக்கிய அம்சங்களாக உள்ளன.

செப்டெம்பர் 27 PCA CineMax-இல் சிறப்புத் திரையிடல்

‘இருமுகம்’ திரைப்படத்தின் சிறப்புக் காட்சி எதிர்வரும் செப்டெம்பர் 27, 2026 ஞாயிற்றுக்கிழமை மாலை 5.00 மணிக்கு, மட்டக்களப்பு தாழங்குடா PCA CineMax திரையரங்கில் திரையிடப்படுகிறது.

📅 27 September 2026 | Sunday
🕔 5.00 PM
📍 PCA CineMax, தாழங்குடா – மட்டக்களப்பு

குற்றப்பின்னணி, குடும்ப உறவுகள், காதல் மற்றும் பழிவாங்கும் மனநிலை ஆகியவற்றை இணைக்கும் கதையாக உருவாகியுள்ள ‘இருமுகம்’, Trailer வெளியீட்டுடன் தனது மட்டக்களப்பு சிறப்புத் திரையிடலை நோக்கி நகர்கிறது.

‘இருமுகம்’ திரைப்படத்தின் சிறப்புத் திரையிடலும் அதன் தொடர்ச்சியான திரைப் பயணமும் சிறப்பாக அமைய, இயக்குநர் கே. கிஷாந்த், தயாரிப்பாளர் Rojus De Zilva, நடிகர்கள், தொழில்நுட்பக் கலைஞர்கள் மற்றும் முழுப் படக்குழுவினருக்கும் Thirai Murasu ஊடகக் குழுமத்தின் மனமார்ந்த வாழ்த்துகள்!