தன்னம்பிக்கையைப் பேசும் ‘கலைமகள்’ — திஷோன் விஜயமோகன், ராப் லேடி ஃபயர் கூட்டணியில் வண்ணமயமான இசை வீடியோ!

பெண்களின் தன்னம்பிக்கை, சுயமரியாதை மற்றும் வாழ்க்கையின் சவால்களைக் கடந்து முன்னேறும் உறுதியை மையமாகக் கொண்டு உருவாகியுள்ள ‘கலைமகள்’ (KALAIMAGAL) இசை வீடியோ, யூடியூப் தளத்தில் வெளியாகியுள்ளது.

திஷோன் விஜயமோகன் (Thishon Vijayamohan) மற்றும் ராப் லேடி ஃபயர் (Rap Lady Fire) இணைந்து பாடியுள்ள இப்பாடலுக்கு திஷோன் இசையமைத்து, இசை ஒருங்கிணைப்பு மற்றும் இசைத் தயாரிப்புப் பணிகளையும் மேற்கொண்டுள்ளார்.

ஹிரிதரன் மற்றும் சயன் தயாரிப்பில், Ilangeyan Pictures நிறுவனத்தின் மூலம் உருவாக்கப்பட்டுள்ள இந்த இசை வீடியோவை ரெஜி செல்வராசா (Reji Selvarasa) இயக்கியுள்ளார்.

பாப் மற்றும் ராப் இசையில் ‘கலைமகள்’

சமூக விமர்சனங்கள் மற்றும் வாழ்க்கையின் தடைகளைக் கடந்து தனது இலக்குகளை நோக்கி முன்னேறும் பெண்ணின் மனவலிமையை ‘கலைமகள்’ பாடல் மையமாகக் கொண்டுள்ளது.

நவீன பாப் மற்றும் ஹிப்-ஹாப் இசை அம்சங்களை இணைத்துள்ள இப்பாடலின் தமிழ் ராப் வரிகளை ராப் லேடி ஃபயர் எழுதியுள்ளதுடன், ஆங்கிலப் பாடல் வரிகளுக்கான பங்களிப்பை Brio Music வழங்கியுள்ளது.

வண்ணமயமான காட்சியமைப்பு

‘கலைமகள்’ இசை வீடியோவில் வண்ணமயமான பின்னணிகள், நவீன ஒளியமைப்புகள் மற்றும் மாறுபட்ட காட்சித் தொகுப்புகள் இடம்பெற்றுள்ளன.

இசை வீடியோவின் இயக்கம் மற்றும் ஒளிப்பதிவை ரெஜி செல்வராசா மேற்கொண்டுள்ளதுடன், படத்தொகுப்பு, காட்சிச் சிறப்பு விளைவுகள் (VFX) மற்றும் வண்ணக் கலவைப் பணிகளை TNU VISUAL X சார்பில் ஆர். தேனுஜன் (R. Thenujan) மேற்கொண்டுள்ளார்.

கலை இயக்கத்தை கலைமோகன் கவனித்துள்ளதுடன், உடை வடிவமைப்புப் பணிகளை சாரங்கா மற்றும் ஹிரிதரன் மேற்கொண்டுள்ளனர்.

🎬 முழுமையான இசை வீடியோவைப் பார்வையிட:

https://www.youtube.com/watch?v=4BxOVZxia7g

‘கலைமகள்’ இசைப் படைப்பில் பங்களித்த திஷோன் விஜயமோகன், ராப் லேடி ஃபயர், இயக்குநர் ரெஜி செல்வராசா, தயாரிப்பாளர்கள் ஹிரிதரன், சயன் மற்றும் முழுப் படைப்புக் குழுவினருக்கும் திரைமுரசு ஊடகக் குழுமத்தின் மனமார்ந்த வாழ்த்துகள்!