இலங்கை தமிழ் இசைத்துறையில் இளைஞர்களின் கனவுகள், வாழ்க்கைப் போராட்டங்கள் மற்றும் லட்சியங்களை மையமாகக் கொண்டு உருவாகியுள்ள "கனா" (#Kanaa) அதிகாரப்பூர்வ இசை வீடியோ தற்போது Ratsch Productions யூடியூப் தளத்தில் வெளியாகிப் பரவலான வரவேற்பைப் பெற்று வருகிறது. Ratsch Productions நிறுவனத்தின் தயாரிப்பில், அபிஷேக் திலகரத்னம் (Abishek Thilakarathnam) அவர்களின் இயக்கம் மற்றும் வரிகளில் இப்பாடல் மிகவும் உணர்வுபூர்வமாக உருவாக்கப்பட்டுள்ளது.
வாழ்க்கைப் போராட்டமும் லட்சியப் பயணமும்...
"ஒரு கனா நீண்ட பயணம் என்னை மட்டும் நிழல் போல தொடர... என்னில் வினா நூறு நிகழும் விடையின்றி காலை நேரம் விடியும்..." எனத் தொடங்கும் வரிகள், வாழ்வில் தடைகளையும் தோல்விகளையும் சந்தித்துத் தங்களின் இலக்கை நோக்கிப் பயணிக்கும் இளைஞர்களின் நிஜமான உணர்வுகளைப் பிரதிபலிக்கின்றன. "நான் எழுவேன் மரமாக வானின் சிகரம் அடைய மீண்டும் வருவேன்!" என்ற வரிகள் லட்சியத்தை அடையும் வரை தளராது உழைக்கும் தன்னம்பிக்கையை வெளிப்படுத்துகின்றன.
இசை மற்றும் குரல் கூட்டணி...
எரிக் பெர்னாண்டோ (Eric Fernando) இசையமைப்பில் உருவாகியுள்ள இப்பாடலை அபிஷேக் திலகரத்னம், கீர்த்தனா ஜெயராஜா (Keerthana Jeyaraja) மற்றும் மரியா ரஞ்சன் (Maria Ranjan) ஆகியோர் பாடியுள்ளனர். இவர்களுடன் பினோ ஆடம்ஸ் (Beno Adamz) மற்றும் அபிஷேக் திலகரத்னம் இணைந்து பாடலின் ராப் (Rap) பகுதிகளை எழுதிப் பாடியுள்ளனர். குரு விதானகே மற்றும் திலக்ஷன் ஆகியோர் பின்னணிக் குரல் கொடுத்துள்ளனர்.
தொழில்நுட்பக் கூட்டணி...
கதிர் (Kathir), சுபாஷ் (Subash) மற்றும் மில்லன் (Millend) ஆகியோரின் ஒளிப்பதிவில், பிரேமாலினுடைய (Premali - Shadow Pixeli) நேர்த்தியான படத்தொகுப்பு மற்றும் வண்ணக் கலவையுடன் (Colorist) காட்சிகள் மிளிர்கின்றன. இசுரு விதானகே (Isuru Withanage) பாடலை மிகக் கச்சிதமாக மிக்ஸ் & மாஸ்டரிங் செய்துள்ளார்.
சுயாதீனத் தமிழ் இசைத்துறையில் இளைஞர்களுக்கு ஊக்கமளிக்கும் மாபெரும் படைப்பாக வெளியாகியுள்ள "கனா" இசை வீடியோவை உருவாக்கிய அபிஷேக் திலகரத்னம், எரிக் பெர்னாண்டோ மற்றும் Ratsch Productions குழுவினர் அனைவருக்கும் Thirai Murasu குழுவின் மனமார்ந்த வாழ்த்துக்கள்!
கருத்துக்கள் மற்றும் பகிர்வுகள்