இலங்கைச் சுயாதீனத் தமிழ் இசைத்துறையில் தனது மெல்லிசைப் பாடல்களாலும், சிறப்பான நடிப்புத் திறமையினாலும் கவனம் ஈர்த்து வரும் BGM Niroshan நடிப்பில் உருவாகியுள்ள "கூட்டிப்போகவா?" (#KoottiPogava)அதிகாரப்பூர்வ இசை வீடியோ தற்போது யூடியூபில் வெளியாகி ரசிகர்களிடையே நல்ல வரவேற்பைப் பெற்று வருகிறது. Beyond Grooves & Melodies (BGM) தயாரிப்பில் உருவாகியுள்ள இப்பாடல், காதல் மற்றும் சுவாரசியமான பயணத்தின் அழகான எமோஷன்களை மிக நேர்த்தியாகக் கடத்துகிறது.
காதலும் சுவாரசியமான பயணமும்...
"பாஸ்ட்டா யூட்டர்ன் போட்டு மனசுல ஹீட்டா ஐஸ்கிரீம் ஊட்டிட்டா... வேஸ்ட்டா கிடக்குற பாஸ்ட் லைப்ப தூசா எடுத்து ஊதிட்டா..." எனத் தொடங்கும் வரிகள், ஒரு இளைஞனின் வாழ்வில் காதல் ஏற்படுத்தும் அழகான மாற்றங்களையும், பயணத்தில் ஏற்படும் சுவாரசியமான தருணங்களையும் கவிதையாய் விவரிக்கின்றன.
விண்ணிதன் இயக்கம் & தொழில்நுட்பக் கூட்டணி...
இப்பாடலை விண்ணிதன் (Vinnithan) எழுதி, இயக்கியுள்ளார். ஆண்டன் ரவ்ஷன் (Anton Rawshan) அவர்களின் இனிமையான இசையமைப்பில், தாரூ (Dharu) மற்றும் பிரணவி ராஜேஸ்வரன் (Biranavi Rajeshwaran) ஆகியோரின் குரல்களில் இப்பாடல் மனதைக் கொள்ளைகொள்ளும் வகையில் உருவாகியுள்ளது.
இசை வீடியோவில் BGM நிரோஷன் (Niroshan) மற்றும் ரினோஜா சாந்திரகுமார் (Rinoja Santhirakumar) ஆகியோர் முதன்மைப் பாத்திரங்களில் தோன்றி தங்களின் இயல்பான நடிப்பால் காட்சியமைப்புகளுக்கு உயிர் கொடுத்துள்ளனர். நெவில் (Nevil) என்பவரின் வண்ணமயமான ஒளிப்பதிவும், நிவன் (Niven) என்பவரின் கச்சிதமான படத்தொகுப்பும் பாடலின் தரத்தைச் சர்வதேச அளவிற்கு உயர்த்தியுள்ளன.
சுயாதீனத் தமிழ் இசைத்துறையில் ஒரு அழகான காதல் அனுபவத்தைத் தந்துள்ள "கூட்டிப்போகவா?" குழுவினர் அனைவருக்கும் Thirai Murasu குழுவின் மனமார்ந்த வாழ்த்துக்கள்!
கருத்துக்கள் மற்றும் பகிர்வுகள்