திருகோணமலையை பின்னணியாகக் கொண்டு புதிய தலைமுறை கலைஞர்கள் மற்றும் தொழில்நுட்பக் குழுவினரின் பங்களிப்பில் உருவாகவுள்ள ‘Let Me Love’ திரைப்படத்தின் படப்பிடிப்புத் தொடக்க விழா மற்றும் பூஜை நிகழ்வு திருகோணமலையில் நடைபெற்றுள்ளது.
காதல் மற்றும் நகைச்சுவையை மையமாகக் கொண்ட திரைப்படமாக உருவாகவுள்ள இப்படத்தை அபிவர்ஷன் எழுதி இயக்குகிறார். விக்டர் வினோத் மற்றும் தியா முதன்மைக் கதாபாத்திரங்களில் நடிக்கின்றனர்.
பூஜை நிகழ்வுடன் திரைப்படத்தின் தயாரிப்புப் பயணம் ஆரம்பமாகியுள்ள நிலையில், திருகோணமலையின் பல்வேறு இடங்களை படத்தின் காட்சிப் பின்னணியாக பயன்படுத்தவும் படக்குழு திட்டமிட்டுள்ளது.
புதிய தலைமுறையை மையப்படுத்திய காதல் நகைச்சுவை
‘Let Me Love’ திரைப்படம் இளைஞர்களின் காதல், உறவுகள் மற்றும் அதனுடன் இணையும் நகைச்சுவையான சூழ்நிலைகளை மையப்படுத்திய கதையாக உருவாகவுள்ளது.
திருகோணமலையைச் சேர்ந்த மற்றும் அப்பகுதியுடன் தொடர்புடைய பல கலைஞர்கள், தொழில்நுட்பக் கலைஞர்கள் இப்படத்தில் இணைந்துள்ளதும் குறிப்பிடத்தக்கது.
புதிய படைப்புடன் தனது இயக்குநர் பயணத்தை முன்னெடுக்கும் அபிவர்ஷன், நடிகர்கள் விக்டர் வினோத், தியா மற்றும் ‘Let Me Love’ திரைப்படத்தின் முழுக் குழுவினரின் படப்பிடிப்புப் பயணம் சிறப்பாக அமைய திரைமுரசு ஊடகக் குழுமத்தின் மனமார்ந்த வாழ்த்துகள்!
Mary Purushotham
All the best Victor thambi. May God bless you more and more.
06 Oct, 2026