திரைப்பட உருவாக்கத்தில் ஆர்வம் கொண்ட இளம் படைப்பாளிகள், எதிர்கால இயக்குநர்கள், ஒளிப்பதிவாளர்கள் மற்றும் Content Creators-க்கு செய்முறை அனுபவத்துடன் திரைத்துறையின் அடிப்படை நுட்பங்களை அறிமுகப்படுத்தும் ‘Light-Camera-Action Workshop #1’ (LCA Filming Workshop) பயிற்சிப் பட்டறை கொழும்பில் நடைபெறவுள்ளது.
திரைப்பட உருவாக்கம் மற்றும் காட்சி ஊடகத் துறையில் இயங்கி வரும் தினேஷ் கனகராஜ் (Thinesh Kanagaraj) இப்பயிற்சிப் பட்டறையை வழிநடத்தவுள்ளார்.
கோட்பாட்டைத் தாண்டிய செய்முறைப் பயிற்சி
ஒரு திரைப்படம் அல்லது காட்சி உள்ளடக்கம் உருவாகும் போது கேமராவுக்கு முன்னாலும் பின்னாலும் நடைபெறும் பணிகளைப் புரிந்துகொள்ளும் வகையில் இந்தப் பட்டறை வடிவமைக்கப்பட்டுள்ளது.
திரைப்பட உருவாக்கம், கதை சொல்லல், படப்பிடிப்புத் தள நடைமுறைகள் (Set Etiquette), கேமரா கோணங்கள், காட்சிகளைத் திட்டமிடுதல் மற்றும் Lighting உள்ளிட்ட பல்வேறு அம்சங்கள் குறித்து நேரடி வழிகாட்டல்கள் வழங்கப்படவுள்ளன.
திரைப்பட இயக்கம் அல்லது ஒளிப்பதிவில் பயணிக்க விரும்புபவர்கள் மட்டுமன்றி, Content Creation மற்றும் Visual Storytelling துறைகளில் ஆர்வமுள்ளவர்களும் இதில் பங்கேற்கலாம்.
10 பேருக்கு மட்டுமே வாய்ப்பு
பங்கேற்பாளர்களுக்கு நேரடியான வழிகாட்டல் மற்றும் செய்முறை அனுபவத்தை வழங்கும் நோக்கில் 10 பேருக்கு மட்டுமே இப்பயிற்சிப் பட்டறையில் இடம் ஒதுக்கப்பட்டுள்ளதாக ஏற்பாட்டாளர்கள் தெரிவித்துள்ளனர்.
📍 பயிற்சிப் பட்டறை விபரங்கள்
- நிகழ்வு: Light-Camera-Action Workshop #1
- வழிநடத்துபவர்: Thinesh Kanagaraj
- திகதி: ஆகஸ்ட் 29, 2026 | சனிக்கிழமை
- நேரம்: காலை 9:00 – மாலை 5:00
- இடம்: Sri Lanka Foundation Institute
- முகவரி: No.100, Sri Lanka Padanama Mawatha, Independence Square, Colombo 07
- பங்கேற்பு: 10 இடங்கள் மட்டுமே
- தொடர்பு: +94 70 637 9112
- மின்னஞ்சல்: thineshk700@gmail.com
- பதிவு: Google Form மூலம் விண்ணப்பிக்கலாம்
திரைப்படம் என்பது கேமராவை இயக்குவது மட்டுமன்றி, ஒரு கதையை காட்சிமொழியாக மாற்றும் பல்வேறு படைப்பாற்றல் மற்றும் தொழில்நுட்பப் பணிகளின் கூட்டிணைவு என்பதைக் கள அனுபவத்துடன் அறிந்துகொள்ள விரும்பும் இளம் படைப்பாளிகளுக்கு இந்தப் பட்டறை பயனுள்ள வாய்ப்பாக அமையவுள்ளது.
இலங்கைத் திரைத்துறையில் ஆர்வமுள்ள புதிய தலைமுறை படைப்பாளிகளுடன் தனது அனுபவங்களைப் பகிரும் இந்த முயற்சியை முன்னெடுக்கும் தினேஷ் கனகராஜ் மற்றும் ஏற்பாட்டுக் குழுவினருக்கு Thirai Murasu குழுவின் வாழ்த்துக்கள்!
கருத்துக்கள் மற்றும் பகிர்வுகள்