TRM Picture நிறுவனத்தின் தயாரிப்பில் உருவாகியுள்ள 'மனிதீ — MANITHEE: The Fire Bird' (Kanta – Sinhala) திரைப்படத்தின் விசேட திரையிடல் நேற்று கொழும்பில் சிங்கள மொழியில் வெற்றிகரமாக நடைபெற்றது. திரையிடலுக்குப் பின்னர் பார்வையாளர்களிடமிருந்து சிறப்பான வரவேற்பையும் பாராட்டுகளையும் இந்தத் திரைப்படம் பெற்றுள்ளது.
விசேட திரையிடல் சிறப்பு...
இந்த நிகழ்வில் திரைத்துறை பிரபலங்கள், ஊடகப் பிரதிநிதிகள் மற்றும் அழைக்கப்பட்ட சிறப்பு விருந்தினர்கள் பலர் கலந்துகொண்டனர். கொழும்பில் நடைபெற்ற இந்த விசேட திரையிடலை சங்கவி பிலிம்ஸ் துரைராசா சுரேஸ் ஒருங்கிணைத்திருந்தமை குறிப்பிடத்தக்கது.
தமிழ் வெளியீடு விரைவில்...
இந்நிலையில் 'மனிதீ' திரைப்படம் விரைவில் தமிழ் மொழியில் உலகம் முழுவதும் வெளியாகவுள்ளதாக இயக்குநர் எம்.ஜே. நிதர்சன் தெரிவித்துள்ளார். இந்த அறிவிப்பு தமிழ் ரசிகர்கள் மத்தியில் பெரும் எதிர்பார்ப்பை உருவாக்கியுள்ளது.
படைப்பில் பங்களித்தவர்கள்...
இந்தத் திரைப்படத்திற்கு இயக்குநர் எம்.ஜே. நிதர்சன் கதை, திரைக்கதை, இயக்கம், VFX, படத்தொகுப்பு மற்றும் DI Coloring பணிகள் அனைத்தையும் மேற்கொண்டுள்ளார். தீபன் தயாரிப்பில் உருவாகியுள்ள இப்படத்திற்கு பிரான்சிஸ் ஜெனா இசையமைத்துள்ளதுடன், ஏ.கே. கமல் ஒளிப்பதிவை கவனித்துள்ளார். SKM சதீஸ்வரன் இணை வசனகர்த்தாவாகவும், வி. சிந்து கலை இயக்குநராகவும், சுவிகரன் MSK தயாரிப்பு மேலாளராகவும், SKM சதீஸ்வரன், வி. திலக்ஷன் மற்றும் துரைசாமி மோகன்ராஜ் ஆகியோர் இணை இயக்குநர்களாகவும் பணியாற்றியுள்ளனர்.
'மனிதீ' படக்குழுவினர் அனைவருக்கும் Thirai Murasu குழுவின் மனமார்ந்த வாழ்த்துக்கள்! தமிழ் வெளியீடு விரைவில் வெற்றிகரமாக வெளியாகட்டும்!
கருத்துக்கள் மற்றும் பகிர்வுகள்