கிராமியக் காதலின் பின்னணியில் ‘நெல்லிக்கனியே’ — வி.ஜே. சுஜீ, ஜெனீஷ்யா நடித்த புதிய சுயாதீனப் பாடல் வெளியானது!

இலங்கைத் தமிழ் சுயாதீன இசைத் துறையில் தொடர்ந்து புதிய படைப்புகளை வழங்கிவரும் Yuktha Production தயாரிப்பில் உருவான புதிய தமிழ் பாடலான ‘நெல்லிக்கனியே’ தற்போது அதிகாரப்பூர்வமாக YouTube தளத்தில் வெளியாகியுள்ளது.

கஜன் கந்தசாமி (King Kajan) தயாரிப்பில் உருவாகியுள்ள இப்பாடலில் வி.ஜே. சுஜீ மற்றும் ஜெனீஷ்யா இணைந்து நடித்துள்ளனர். காதல், கிராமிய வாழ்வியல் மற்றும் இயல்பான இளமை உணர்வுகளை மையப்படுத்திய காட்சியமைப்புடன் பாடல் உருவாக்கப்பட்டுள்ளது.

இசையமைப்பாளரும் சுயாதீன இசைக் கலைஞருமான சி.வி. லக்ஷ் – ‘சொல்லிசைப் பொடியன்’, பாடலுக்கு இசையமைத்துள்ளதுடன் பிரியங்காவுடன் இணைந்து பாடியுள்ளார்.

சி.வி. லக்ஷ் இசையில் புதிய மெலடி

‘நெல்லிக்கனியே’ பாடலின் இசை மற்றும் குரல் பணிகளில் சி.வி. லக்ஷ் முக்கிய பங்காற்றியுள்ளார்.

சுயாதீன இசை முயற்சிகள் மற்றும் தனித்துவமான பாடல் வடிவங்களின் மூலம் அறியப்படும் அவர், இந்தப் பாடலில் கிராமிய இசை உணர்வுகளையும் மென்மையான காதல் மெலடியையும் இணைத்துள்ளார்.

அவருடன் பிரியங்கா இணைந்து பாடியிருப்பது பாடலின் ஆண் – பெண் குரல் அமைப்பிற்கு மேலும் நிறைவை வழங்குகிறது.

பிரியபாரதியின் காதல் வரிகள்

பாடலின் வரிகளை பிரியபாரதி எழுதியுள்ளார்.

காதலின் நெருக்கம், இளமைப் பருவத்தின் இயல்பான உணர்வுகள் மற்றும் கிராமிய சூழலில் மலரும் உறவை எளிமையான சொல்லாடல்களின் வழியாக வெளிப்படுத்தும் வகையில் பாடல் வரிகள் அமைந்துள்ளன.

“நெல்லிக்கனியே…” என தொடங்கும் பாடலின் மைய வரிகள், காதலரை நேரடியாக உரையாடும் பாணியில் அமைந்துள்ளதால் பாடலின் மெலடி தன்மையுடன் இயல்பாக இணைகின்றன.

வி.ஜே. சுஜீ – ஜெனீஷ்யா திரை இணைவு

பாடலின் காட்சிப்படுத்தலில் வி.ஜே. சுஜீ மற்றும் ஜெனீஷ்யா இணைந்து நடித்துள்ளனர்.

கிராமிய பின்னணி, சந்தைச் சூழல், இயல்பான உடை வடிவமைப்பு மற்றும் இளமை காதல் தருணங்களை மையப்படுத்தி இவர்களின் கதாபாத்திரங்கள் வடிவமைக்கப்பட்டுள்ளன.

பாடலின் இயக்கம் மற்றும் நடன அமைப்பையும் வி.ஜே. சுஜீ மேற்கொண்டுள்ளார்.

இதன் மூலம் நடிகராக மட்டுமன்றி, பாடலின் காட்சி வடிவமைப்பிலும் அவரது பங்களிப்பு இடம்பெற்றுள்ளது.

சசிகரன் யோவின் ஒளிப்பதிவு & படத்தொகுப்பு

‘நெல்லிக்கனியே’ பாடலின் ஒளிப்பதிவு மற்றும் படத்தொகுப்புப் பணிகளை சசிகரன் யோமேற்கொண்டுள்ளார்.

கிராமிய சூழலை மையப்படுத்திய நிற அமைப்பு, கதாபாத்திரங்களின் நெருக்கமான காட்சிகள் மற்றும் பாடலின் மென்மையான காதல் தன்மையை பிரதிபலிக்கும் ஃப்ரேம்கள் ஆகியவை காட்சிப்படுத்தலில் முக்கிய இடம் பெற்றுள்ளன.

பாடலின் கதை நகர்விற்கு ஏற்ப படத்தொகுப்பும் மென்மையான ஓட்டத்தில் அமைக்கப்பட்டுள்ளது.

Yuktha Production-ன் புதிய சுயாதீன முயற்சி

தயாரிப்பாளர் காஜன் கந்தசாமியின் Yuktha Production, இலங்கைத் தமிழ் சுயாதீன இசை மற்றும் காட்சி படைப்புகளில் தொடர்ந்து புதிய முயற்சிகளை மேற்கொண்டு வருகிறது.

அந்த வரிசையில், உள்ளூர் கலைஞர்கள் மற்றும் தொழில்நுட்பக் குழுவினரின் பங்களிப்புடன் உருவாகியுள்ள புதிய படைப்பாக ‘நெல்லிக்கனியே’ வெளியாகியுள்ளது.

பாடலின் Dance Team ஆக Dance of Beats பணியாற்றியுள்ளதுடன், Anton Rawshan Mixing & Mastering பணிகளை மேற்கொண்டுள்ளார். Silamboli Studio-வில் பாடல் ஒலிப்பதிவு செய்யப்பட்டுள்ளது.

இலங்கைத் தமிழ் சுயாதீன இசைத் துறையில் புதிய கலைஞர்கள் மற்றும் தொழில்நுட்பக் கலைஞர்களை இணைத்து உருவாக்கப்பட்டுள்ள ‘நெல்லிக்கனியே’ பாடலின் தயாரிப்பாளர் கஜன் கந்தசாமி, சி.வி. லக்ஷ், வி.ஜே. சுஜீ, ஜெனீஷ்யா, சசிகரன் யோ மற்றும் முழுப் படைப்புக் குழுவினருக்கும் திரைமுரசு ஊடகக் குழுமத்தின் மனமார்ந்த வாழ்த்துகள்!