இலங்கைத் தமிழ் இசைத்துறையில் தரமான கதையம்சம் கொண்ட உயர்தர இசை வீடியோக்களை வழங்கி தனக்கெனத் தனி முத்திரை பதித்து வரும் Ratsch Productions, தனது அடுத்த பிரம்மாண்ட படைப்பான 'பாரி' (PAARI) பாடலின் அதிகாரப்பூர்வ First Look போஸ்டரை வெளியிட்டுள்ளது.
வெற்றிகரமான கூட்டணி மீண்டும் இணைகிறது...
கடந்த மார்ச் மாதம் Ratsch Productions தயாரிப்பில் எரிக் பெர்னாண்டோ உருவாக்கத்தில் வெளியாகி YouTube-ல் 51,000-க்கும் மேற்பட்ட பார்வைகளைக் கடந்து மாபெரும் வெற்றி பெற்ற 'நான் ஒரு மானு' பாடலின் வரவேற்பைத் தொடர்ந்து, இந்தக் கூட்டணி மீண்டும் 'பாரி' மூலம் இணைவது ரசிகர்களிடையே பெரும் எதிர்பார்ப்பை ஏற்படுத்தியுள்ளது.
இயற்கை எழில் கொஞ்சும் போஸ்டர்...
வெளியாகியுள்ள 'பாரி' போஸ்டர் கிராமிய மணம் கமழும் கலை வண்ணத்திலும் இயற்கை எழில் கொஞ்சும் அழகிய ஓவியக் காட்சியமைப்பிலும் சர்வதேசத் தரத்தில் வடிவமைக்கப்பட்டுள்ளது. ரசிகர்களின் ஆன்மாவைத் தொடும் இசையை வழங்குவோம் என்ற வாக்குறுதியுடன் முற்றிலும் வித்தியாசமான அனுபவத்தை வழங்க இந்தக் கூட்டணி மீண்டும் களமிறங்கியுள்ளது.
படைப்பில் பங்களித்தவர்கள்...
தயாரிப்பு — Ratsch Productions, உருவாக்கம் — எரிக் பெர்னாண்டோ, ஒளிப்பதிவு — ஸ்கந்தராஜா சதூர்ஷன், கலரிங் — Sinx FX.
'பாரி' பாடல் ஆகஸ்ட் 2026 மாதத்தில் அதிகாரப்பூர்வமாக வெளியாகவுள்ளது. 'நான் ஒரு மானு' சாதனையைத் தொடர்ந்து 'பாரி' பாடலும் மிகப்பெரிய மைல்கல்லை எட்டட்டும் என Thirai Murasu குழுவின் மனமார்ந்த வாழ்த்துக்கள்!
கருத்துக்கள் மற்றும் பகிர்வுகள்