கிராமிய இசைத் தொனியில் புதிய வெளியீடு – கந்தப்பு ஜெயந்தனின் `பச்சைக்கிளியே` பாடல் வெளியானது

இசையமைப்பாளரும் பாடகருமான கந்தப்பு ஜெயந்தன் (Kandappu Jeyanthan)-இன் புதிய இசைப் படைப்பான 'பச்சைக்கிளியே' (Pachchaikkiliye) பாடல் அதிகாரப்பூர்வமாக வெளியாகியுள்ளது.

கிராமிய இசையின் இனிமையையும், சமகால இசையின் துடிப்பையும் ஒருங்கிணைத்து உருவாக்கப்பட்டுள்ள இந்தப் பாடல், காதலை மையமாகக் கொண்ட காட்சியமைப்புடன் இசை ரசிகர்களிடம் அறிமுகமாகியுள்ளது. மெலடி, நாட்டுப்புற இசைத் தொனி மற்றும் ரேப் ஆகிய இசை வடிவங்களை ஒரே படைப்பில் இணைக்கும் முயற்சியாகவும் இது அமைந்துள்ளது.

பாடலுக்கு கந்தப்பு ஜெயந்தன் இசையமைத்ததுடன், அவரே குரல் வழங்கியுள்ளார். பாடல் வரிகளை டி.வி. ராஜேந்திரா (T.V. Rajendra) எழுதியுள்ள நிலையில், கடலூன் (Kadaloon – KD) ரேப் பகுதியை வழங்கியுள்ளார். காதல் உணர்வுகளை மையமாகக் கொண்ட வரிகளும், அதனுடன் இணைந்துள்ள ரேப் பகுதியும் பாடலின் இசை ஓட்டத்திற்கு தனித்துவமான பரிமாணத்தை வழங்குகின்றன.

பாடலின் இயக்கம் மற்றும் படத்தொகுப்பையும் கந்தப்பு ஜெயந்தன் மேற்கொண்டுள்ளார். ஒளிப்பதிவை எம்.சி.ஏ. தேனுஷன் (M.C.A. Thenushan) மற்றும் ஜெகதல பிரதாபன் (Jegadhala Pirathapan) இணைந்து கவனித்துள்ளனர். வெளிப்புற இயற்கைச் சூழல்களை மையமாகக் கொண்டு உருவாக்கப்பட்டுள்ள காட்சிகளுடன், My Life Dancing Group வழங்கிய நடன அமைப்புகளும் பாடலின் காட்சியமைப்பிற்கு கூடுதல் வலுசேர்க்கின்றன.

இசைக்கலவை மற்றும் மாஸ்டரிங் பணிகளை KJ Music Studio (வவுனியா) மேற்கொண்டுள்ளது. பாடலின் ஒலித்தரத்தை மேலும் மேம்படுத்தும் வகையில் தொழில்நுட்பப் பணிகள் கவனமாக வடிவமைக்கப்பட்டுள்ளன.

கிராமிய மற்றும் நவீன இசைப் பின்னணியில் இப்பாடலை வழங்கியுள்ள கண்டப்பு ஜெயந்தன் மற்றும் 'பச்சைக்கிளியே' படக்குழுவினர் அனைவருக்கும் Thirai Murasu குழுவின் மனமார்ந்த வாழ்த்துக்கள்!