இலங்கைத் தமிழ் சினிமாவில் 'முன்னொரு பொழுதினிலே', 'மேனிகரே', 'நகர லயம்', 'தி மாதர்', 'TVK' போன்ற திரைப்படங்களின் மூலம் கவனத்தை ஈர்த்த முன்னணி இயக்குநர் பிரவீன் கிருஷ்ணராஜா, தங்களது 6-வது திரைப்படத்தின் First Look Title போஸ்டரான #PK6-ஐ அதிகாரப்பூர்வமாக வெளியிட்டுள்ளார். வெளியான சில நிமிடங்களிலேயே இணையத்தில் சினிமா ரசிகர்களின் கவனத்தை ஈர்த்துள்ளது.
காலம் கடந்து வரும் காதல்...
"காலம் கடந்து வந்து உன்னை அள்ளிப்பூசிக்கொள்வேன்" என்ற கவிதையான வரிகளுடன் வெளியாகியுள்ள இந்த Title போஸ்டர், காலப் பயணம் (Time Travel), அறிவியல் மற்றும் காதலை மையமாகக் கொண்டு பிரம்மாண்டமாக உருவாகவுள்ளதை உணர்த்துகிறது. போஸ்டரில் கடிகாரச் சக்கரங்கள், மணற்கடிகாரம், அறிவியல் ஆய்வக உபகரணங்கள் மற்றும் காதலர்களின் உருவங்கள் அடங்கிய நீல மற்றும் சிவப்பு நிறக் கலவை காட்சியமைப்புகள் சர்வதேசத் தரத்தில் வடிவமைக்கப்பட்டுள்ளன.
இயக்குநரின் புதிய மைல்கல்...
பிரவீன் கிருஷ்ணராஜாவின் எழுத்து மற்றும் இயக்கத்தில் உருவாகும் இந்தத் திரைப்படம், இலங்கைத் தமிழ் சினிமாவில் ஒரு புதிய தொழில்நுட்பப் பாய்ச்சலாகவும் வித்தியாசமான கதைக்களமாகவும் அமையவுள்ளது. படத்தின் நடிகர்கள் மற்றும் தொழில்நுட்பக் கலைஞர்கள் பற்றிய விவரங்கள் விரைவில் அதிகாரப்பூர்வமாக வெளியிடப்படும் என எதிர்பார்க்கப்படுகிறது.
வித்தியாசமான அறிவியல் காதல் திரைப்படமாக உருவாகும் #PK6-க்கு இயக்குநர் பிரவீன் கிருஷ்ணராஜா மற்றும் படக்குழுவினர் அனைவருக்கும் Thirai Murasu குழுவின் மனமார்ந்த வாழ்த்துக்கள்!
கருத்துக்கள் மற்றும் பகிர்வுகள்