கால்பந்துக் களத்தில் தொடங்கும் புதிய போராட்டம்! — `போராட்டம்` திரைப்படம் அக்டோபர் 2 அன்று திரையரங்குகளில்!

IBC Tamil Productions மற்றும் BlackBoard International இணைந்து தயாரிக்க, பாஸ்கரன் கந்தையா வழங்கும் 'போராட்டம்' திரைப்படம் எதிர்வரும் அக்டோபர் 2 அன்று திரையரங்குகளில் வெளியாகவுள்ளது. ராஜ் சிவராஜ் இயக்கத்தில் உருவாகியுள்ள இந்தத் திரைப்படம் கால்பந்து விளையாட்டை முக்கியப் பின்னணியாகக் கொண்டு நகரும் படைப்பாக உருவாக்கப்பட்டுள்ளது. 

கால்பந்துக் களத்தில் 'போராட்டம்'...

விளையாட்டு என்பது வெற்றி தோல்வியை மட்டும் தீர்மானிக்கும் களமல்ல — அதற்குப் பின்னால் இருக்கும் மனிதர்களின் கனவுகள், உறவுகள் மற்றும் போராட்டங்களையும் இணைத்து திரைக்கதை நகரும் வகையில் படம் உருவாக்கப்பட்டுள்ளது. ரீகன் கந்தையா முக்கிய கதாபாத்திரத்தில் நடித்துள்ளார். அவருடன் நிவேதிகா ராசையா உள்ளிட்ட பலர் முக்கிய வேடங்களில் இடம்பெற்றுள்ளனர்.

'மகாநடிகை' மேடையில் நிவேதிகா ராசையா...

'போராட்டம்' திரைப்படத்தில் நடித்துள்ள நிவேதிகா ராசையா தற்போது Zee Tamil தொலைக்காட்சியின் 'மகாநடிகை — Season 2' நிகழ்ச்சியிலும் போட்டியாளராக பங்கேற்று வருகிறார். இலங்கையிலிருந்து அந்த மேடைக்கு சென்றுள்ள நிவேதிகா பல்வேறு நடிப்புச் சுற்றுகளில் தனது திறமையை வெளிப்படுத்தி வருவதால் கவனம் பெற்றுள்ளார். இந்த நிலையில் அவர் நடித்துள்ள 'போராட்டம்' திரையரங்க வெளியீட்டிற்கும் தயாராகியிருப்பது குறிப்பிடத்தக்கது.

பூவன் மதீசன் இசை...

திரைப்படத்திற்கு பூவன் மதீசன் இசையமைத்துள்ளார். 'போராட்டம்' படத்திலிருந்து ஏற்கனவே 'வீர தமிழன்', 'முட்ட கண்ணு', 'வீரனே வா' உள்ளிட்ட பாடல்கள் வெளியிடப்பட்டுள்ளன. கால்பந்துக் களத்தின் வேகம், இளைஞர்களின் உணர்வுகள் மற்றும் கதையின் சூழலுக்கு ஏற்ப வெவ்வேறு இசைப் பாணிகளில் பாடல்கள் உருவாக்கப்பட்டுள்ளன.

படைப்பில் பங்களித்தவர்கள்...

இயக்கம் — ராஜ் சிவராஜ், வழங்குபவர் — பாஸ்கரன் கந்தையா, தயாரிப்பு — IBC Tamil Productions & BlackBoard International, இசை — பூவன் மதீசன், ஒளிப்பதிவு — AK கமல், படத்தொகுப்பு — அருண் N யோகதாசன், கலை இயக்கம் — S. கோபிதன், VFX — Rayman Studio, ஒலிக்கலவை — G. சயீத்தர்ஷன், ஒப்பனை — டேரியன், விளம்பர வடிவமைப்பு — MAK Brothers.

இலங்கைத் தமிழ் திரைப்படங்களில் விளையாட்டை பிரதான கதைக்களப் பின்னணியாகக் கொண்டு உருவாகியுள்ள 'போராட்டம்' திரைப்படத்திற்கு இயக்குநர் ராஜ் சிவராஜ், தயாரிப்பாளர் பாஸ்கரன் கந்தையா மற்றும் படக்குழுவினர் அனைவருக்கும் Thirai Murasu குழுவின் வாழ்த்துக்கள்!