‘ஆறாம் நிலம்’ முதல் ‘போராட்டம்’ வரை — தயாரிப்பாளர் கந்தையா பாஸ்கரனின் தொடரும் திரைப்படப் பயணம்!

இலங்கைத் தமிழ் திரைப்படத் தயாரிப்பில் கடந்த சில ஆண்டுகளாக தொடர்ச்சியாக பங்களித்து வரும் தயாரிப்பாளர்களில் கந்தையா பாஸ்கரன் குறிப்பிடத்தக்கவராக உள்ளார்.

IBC Tamil Productions ஊடாக முழுநீளத் திரைப்படங்களை உருவாக்கி, அவற்றை தாயகத்திலிருந்து புலம்பெயர் திரையரங்குகள் வரை கொண்டு செல்லும் முயற்சியை தொடர்ந்து முன்னெடுத்து வரும் அவரது தயாரிப்புப் பயணம், தற்போது ‘போராட்டம்’ திரைப்படத்தின் உலகளாவிய வெளியீட்டை நோக்கி நகர்ந்துள்ளது.

‘ஆறாம் நிலம்’ — தொடக்கமான முழுநீளத் திரைப்படப் பயணம்

கந்தையா பாஸ்கரனின் தயாரிப்பில் வெளியான முக்கியமான ஆரம்பகால முழுநீளத் திரைப்படமாக ‘ஆறாம் நிலம்’ அமைந்தது.

ஆனந்த ரமணன் இயக்கத்தில் உருவான இப்படம் 2021ஆம் ஆண்டு வெளியானது. தாயகத்தில் திரையிடப்பட்ட திரைப்படம் பின்னர் டிஜிட்டல் தளங்களின் ஊடாகவும் பார்வையாளர்களை சென்றடைந்தது.

‘Friday & Friday’ — புலம்பெயர் திரையரங்குகளுக்கு பயணம்

அதனைத் தொடர்ந்து சதா பிரணவன் இயக்கிய ‘Friday & Friday’ திரைப்படம் கந்தையா பாஸ்கரனின் தயாரிப்பில் உருவானது.

இத்திரைப்படம் இலங்கையைத் தாண்டி பிரான்ஸ் உள்ளிட்ட புலம்பெயர் திரையரங்குகளிலும் திரையிடப்பட்டதன் மூலம் அவரது தயாரிப்புப் பயணம் சர்வதேச திரையிடல் தளங்களையும் நோக்கி விரிந்தது.

‘பொம்மை’ — பெண் இயக்குநருடன் மற்றொரு தயாரிப்பு

அடுத்ததாக நவயுகா குகராஜா இயக்கிய ‘பொம்மை’ திரைப்படம் அவரது தயாரிப்பில் உருவானது.

இப்படம் தாயகத்துடன் மட்டுமல்லாமல் தமிழ்நாடு, பிரான்ஸ், பிரிட்டன், சுவிற்சர்லாந்து, ஜேர்மனி, நோர்வே உள்ளிட்ட இடங்களிலும் திரையிடப்பட்டு தனது பார்வையாளர் வட்டத்தை விரிவுபடுத்தியது.

அடுத்த கட்டமாக ‘போராட்டம்’

‘ஆறாம் நிலம்’, ‘Friday & Friday’, ‘பொம்மை’ ஆகிய திரைப்படங்களின் தொடர்ச்சியாக தற்போது ராஜ் சிவராஜ் எழுதி இயக்கியுள்ள ‘போராட்டம்’ (Poraattam) திரைப்படத்துடன் கந்தையா பாஸ்கரன் தனது தயாரிப்புப் பயணத்தை முன்னெடுத்து வருகிறார்.

IBC Tamil Productions தயாரிப்பில் உருவாகியுள்ள இப்படத்திற்கு பூவன் மதீசன் இசையமைத்துள்ளார்.

கால்பந்தாட்டத்தை மையமாகக் கொண்டு காதல், குடும்பம், நட்பு, இளைஞர்களின் கனவுகள் மற்றும் வாழ்க்கைப் போராட்டங்களை இணைத்து உருவாகியுள்ள இப்படத்தில் ரீகன் கந்தையா – நிவேதிகா முக்கிய கதாபாத்திரங்களில் நடித்துள்ளனர்.

தாயகத்திலிருந்து உலகளாவிய வெளியீட்டை நோக்கி

‘போராட்டம்’ திரைப்படம் October 02, 2026 முதல் உலகளாவிய திரையரங்குகளில் வெளியாகவுள்ளது.

இலங்கை மட்டுமன்றி பிரான்ஸ், பிரிட்டன், சுவிற்சர்லாந்து, ஜேர்மனி, நெதர்லாந்து, நோர்வே, டென்மார்க் உள்ளிட்ட புலம்பெயர் தமிழர்கள் வாழும் நாடுகளிலும் திரைப்படத்தை கொண்டு செல்லும் பணிகள் முன்னெடுக்கப்பட்டு வருகின்றன.

ஒரு திரைப்படத்தை தயாரிப்பதுடன் நிற்காமல், அதை பல்வேறு நாடுகளில் உள்ள பார்வையாளர்களிடம் கொண்டு சேர்ப்பதற்கான முயற்சியையும் தனது தயாரிப்புப் பயணத்தின் ஒரு பகுதியாக கந்தையா பாஸ்கரன் தொடர்ந்து முன்னெடுத்து வருகிறார்.

‘ஆறாம் நிலம்’ முதல் ‘போராட்டம்’ வரை தொடர்ச்சியாக இலங்கைத் தமிழ் முழுநீளத் திரைப்படங்களை தயாரித்து வரும் கந்தையா பாஸ்கரனின் அடுத்தகட்ட திரைப்படப் பயணமும், ‘போராட்டம்’ படக்குழுவினரின் உலகளாவிய திரையரங்கு வெளியீடும் சிறப்பாக அமைய Thirai Murasu ஊடகக் குழுமத்தின் மனமார்ந்த வாழ்த்துகள்!