காரைதீவு நாட்டிய ஆசிரியை தக்ஷாளினி ஜெயகோபனுக்கு ‘நாட்டிய கலாப மயில்’ விருது!

வவுனியாவில் நடைபெற்ற ‘இலங்கை நாட்டியாஞ்சலி 2026’ நாட்டிய விழாவில், காரைதீவு விபுலானந்தா நாட்டிய நிருத்தியாலயத்தின் ஸ்தாபக ஆசிரியையும் ‘நுண்கலைமணி’யுமான தக்ஷாளினி ஜெயகோபன், ‘நாட்டிய கலாப மயில்’ விருது வழங்கி கௌரவிக்கப்பட்டார்.

இலங்கை சிதம்பரேஸ்வரம் நடனாலயம் – வவுனியா, மகதி பரத நாட்டிய ஆடையகம் மற்றும் தமிழ்நாடு கோயம்புத்தூர் குருகுலம் கல்வி நிலையம் ஆகியவை இணைந்து ஏற்பாடு செய்த இந்நிகழ்வு, அக்டோபர் 03ஆம் திகதி வவுனியா மாவட்ட செயலகக் கலையரங்கில் நடைபெற்றது.

‘சக்தி – தாண்டவம்’ நாட்டிய நிகழ்வு

ஆசிரியை தக்ஷாளினி ஜெயகோபனின் வழிநடத்தலில், காரைதீவு விபுலானந்தா நாட்டிய நிருத்தியாலயத்தைச் சேர்ந்த 14 மாணவிகள் இணைந்து ‘சக்தி – தாண்டவம்’ நாட்டிய நிகழ்வை மேடையேற்றினர்.

பரதநாட்டியத்தின் அடவுகள், அசைவுகள் மற்றும் குழு ஒருங்கிணைப்பை மையமாகக் கொண்டு வடிவமைக்கப்பட்ட இந்த நாட்டிய நிகழ்வு விழாவில் இடம்பெற்ற முக்கிய நிகழ்ச்சிகளில் ஒன்றாக அமைந்தது.

பங்கேற்ற மாணவிகள்

சுபாணன் புவேகா, கேஜோரா சசிகுமார், மேகவர்ஷி சுவேந்திரன், பகிரதன் தன்சிகா, நவேஸ்வரன் வரலக்ஷிகா, நவநீதன் சஞ்சனா, ஐதர்ஷன் பிரவிஷ்னா, பிரபாகரன் டக்ஷயா, சிவேவந்தன் ரோமிதா, செந்தமிழ்செல்வன் தில்ருக்ஷி, அற்புதநாதன் ரேமிதா, ஜெயகுமார் பிரின்ஸி, தனுராஜ் டனிஷிகா மற்றும் சசிகுமார் டக்ஷயா ஆகியோர் ‘சக்தி – தாண்டவம்’ நிகழ்வில் பங்கேற்றனர்.

இந்தியா – இலங்கை கலை அமைப்புகளின் இணைந்த கௌரவிப்பு

விழாவில், தமிழ்நாடு கோயம்புத்தூர் குருகுலம் கல்வி நிலையப் பணிப்பாளர் மயிலிறகு சுந்தரராஜன் மற்றும் இலங்கை சிதம்பரேஸ்வரம் நடனாலயம், மகதி பரத நாட்டிய ஆடையகப் பணிப்பாளர் முனைவர் கலாகீர்த்தி நா. செந்தூரிச்செல்வன் ஆகியோரின் கையொப்பங்களுடன் நினைவுப் பட்டயமும் விருதும் வழங்கப்பட்டது.

பாரம்பரிய நாட்டியக் கலையை இளம் தலைமுறையினருக்கு தொடர்ந்து பயிற்றுவித்து வரும் ஆசிரியை தக்ஷாளினி ஜெயகோபனின் கலைப்பணியை அங்கீகரிக்கும் வகையில் இந்த கௌரவிப்பு அமைந்துள்ளது.

பாரம்பரிய நாட்டியக் கலையை அடுத்த தலைமுறைக்கு கொண்டு செல்லும் பணியில் தொடர்ந்து ஈடுபட்டு வரும் தக்ஷாளினி ஜெயகோபன் மற்றும் விபுலானந்தா நாட்டிய நிருத்தியாலய மாணவிகள் அனைவருக்கும் திரைமுரசு ஊடகக் குழுமத்தின் மனமார்ந்த வாழ்த்துகள்!