இலங்கைத் திரைப்பட உலகில் சர்வதேசத் தரத்தில் உருவாகி வரும் ‘GREY – The Shades of Humans’ திரைப்படம், ஒவ்வொரு புதிய அறிவிப்பின் மூலமும் ரசிகர்களின் எதிர்பார்ப்பை அதிகரித்து வருகிறது. அந்த வரிசையில், திரைப்படக் குழு தற்போது வெளியிட்டுள்ள புதிய அதிகாரப்பூர்வ அறிவிப்பு ரசிகர்களிடையே பெரும் வரவேற்பைப் பெற்றுள்ளது.
‘ஷாரா’ கதாபாத்திரத்தில் உடாரி வர்ணகுலசூரியா
Azonway Pictures நிறுவனத்தின் பிரம்மாண்ட தயாரிப்பில், இயக்குநர் லீமுரளி (Leemurali) எழுதி இயக்கி வரும் ‘GREY – The Shades of Humans’ திரைப்படத்தில், இலங்கையின் முன்னணி சிங்களத் திரையுலக நடிகையான உடாரி வர்ணகுலசூரியா (Udari Warnakulasooriya) அதிகாரப்பூர்வமாக இணைந்துள்ளார்.
இந்தத் திரைப்படத்தில் அவர் ‘ஷாரா’ (Shara) என்ற முக்கியக் கதாபாத்திரத்தில் நடிக்கவுள்ளதாக, படக்குழு வெளியிட்டுள்ள புதிய கேரக்டர் போஸ்டர் மூலம் உறுதிப்படுத்தப்பட்டுள்ளது.
மிரட்டலான கேரக்டர் போஸ்டர்
வெளியாகியுள்ள போஸ்டரில், கையில் துப்பாக்கியுடன் தீவிரமான தோற்றத்தில் உடாரி வர்ணகுலசூரியா காட்சியளிக்கிறார். பின்னணியில் இடம்பெற்றுள்ள ஆந்தை, நீல நிற ஒளியமைப்பு மற்றும் மர்மம் கலந்த காட்சியமைப்புகள், திரைப்படத்தின் த்ரில்லர் தன்மையையும் காட்சித் தரத்தையும் வெளிப்படுத்துகின்றன. இந்த கேரக்டர் அறிமுகம் ரசிகர்களிடையே படத்தின் மீதான எதிர்பார்ப்பை மேலும் உயர்த்தியுள்ளது.
வலுவான தொழில்நுட்பக் குழு
இத்திரைப்படத்தில் ஷெல்வின் தாஸ் (Shelvin Das) முதன்மைக் கதாபாத்திரத்தில் நடிக்கிறார். இசையமைப்பை ஹிப் ஹாப் சங்கீ (Hip Hop Sangee) மேற்கொள்கிறார். ஒளிப்பதிவு மற்றும் படத்தொகுப்பு பொறுப்புகளை கதிர் (Kathir)கவனித்து வருகிறார்.
பல மொழிகளைச் சேர்ந்த திறமையான கலைஞர்களின் கூட்டணியில் உருவாகி வரும் ‘GREY – The Shades of Humans’, இலங்கை சினிமாவை சர்வதேச அரங்கிற்கு கொண்டு செல்லும் முக்கியமான முயற்சிகளில் ஒன்றாகக் கருதப்படுகிறது.
உடாரி வர்ணகுலசூரியா, இயக்குநர் லீமுரளி மற்றும் ‘GREY’ திரைப்படத்தின் முழுப் படக்குழுவிற்கும் Thirai Murasu-வின் மனமார்ந்த வாழ்த்துக்கள்.
கருத்துக்கள் மற்றும் பகிர்வுகள்